Taveez Meaning:
Ya Mujeebu - Aey Kabool Karney Wale:
Ya Mujeebu Shadi Ke liye:
Ya Mujeebu Har Dua Ki Kabooliat K Liye:
Ya Mujeebu, Qaid Se Rehaee K Liye:
Ya Mujeebu, Naraz Bivi ko Wapis Laney K Liye:
Ya Mujeebu, Murshad Kamil Milney Ka Amal:
Ya Mujeebu Ka Taveez - Amil:
Allah apni makhloq ki duaon ko sunta aur qabool farmata he, is liye usay Mujeeb kaha jata he kyoun keh woh her saael k sawal ka jawab deta he aur her pukarney wale ki pukaar ka jawab deta he. All Ta'ala ka khud irshad he keh woh kon he jo pukarne wale ki iztarabi pukaar ko kabool farmata he. All Mujeeb he kyon keh woh mazlumoon ki pukaar ko sunn ker un k zulam ka tadarak karta he. Allah Mujeeb he keh woh apne waliyon ko apna bana ker un ki har sada per lutf-o-karam ka izhaar farmata he. Allah Mujeeb he keh woh apne faqeeroon k uthey houe hathoon ki laaj rakhta he. Ya Mujeebu jalali he aur is ka adaad 55 he aur Al-Mujeeb ki fazeelat aur fawaed neechey parrhain.
Ya Mujeebu Shadi Ke liye:
Agr kisi larki ya larkey ki shadi na hoti ho aur umar bhi zayada hoti ja rahi ho tou 11 din tak 5555 baar Ya Mujeebu parrho aur is ke baad Allah ke hazoor apni shadi ke liye dua karo, Inshallah Allah shadi ki dua qabool ho jae gi aur jald rishta tay ho jaye ga.
Agr koi shukhs ye chahta ho ke us ki har jaez dua kabool ho tou usy chahiye keh woh Ya Mujeebu 220 martaba rozana sotey waqt parrney ka mamool bana ley Inshall Allah us ki har jaez dua kabool ho gi. Aik amil ka qoul he keh agr koi shakhs Ya Mujeebu ko jumma (friday) ke din 100 baar likh kar Ya Mujeebu ka taveez bana kar apne paas rakhey tou jo dua mangey ga kabool ho gi. aur jo baat kisi se kahey ga wohi manzoor ho gi. Aik bazurg ka qoul he ke dua ke aghaaz mein Ya Mujeebu 11 martaba parrhain is ke baad jo dua mangni ho mangain akhir mein phir 11 martaba Ya Mujeebu ka wird karain yani ye Ism parrhain. Inshallah dua kabool ho gi.
Agr koi najaiz tau per apne baal bachon se juda ho kar qaid ho giya ho ya kisi ka pata na chalta ho tou chand aadmi ikathey hoon aur 125000 baar Ya Mujebbu parrhain, parrhaee mokammal honte hi tamaam parrhne wale sar sajdey mein rakh kar qaidi ki rehaaee k liye dua karain, ye amal 7 din karain. Inshallah qaid se khalasi ho gi aur qaidi bahifazat apne ghar lote ga.
Agr kisi ki bivi (wife) naraz ho gaee ho tou khawand (husband) ko chahiye keh Ya Mujeebu 11000 baar parrhey aur parrhney ke baad pani per dam karey aur pani ko us taraf munh ker k pakeeza jagah per phainkey jis taraf who rehti ho. Yeh amal 11 din tak karain. Inshallah Bivi wapis aney k foran asaar paide ho jain gey. Aur wo apney ghar mein abaad ho jae gi.
Jis ko murshid kamil ki talash ho ya koi Arif Kamil kisi ko mureed na banana chahta ho tou is Ism ko 10 din tak baad Namaz e Magrib 12500 baar parrhey, Inshallah hasb-e-khawahish Allah ka banda mil jaye ga.
Ya Mujeebu ke Nash ko kabuliat-e-dua, her bala se hifaazat, khawahishaat-o-hajaat ki takmeel, kisi muhim ko hal kerney, dusroon ko musakhir kerne ke liye istemaal kiya jata he. Magr Ya Mujeebu ka taveez istemaal kerney se pehle chalis din tak 6250 martaba rozana parrna lazmi he, is ke baad yeh Naqsh dusroon ko do tou faedah ho ga, Insha'Allah.
Note: Ya Mujeebu jalali he is ka amal ya wazifa kartey waqt darjzail batoon ka khayaal rakhna zaroori he. Yeh keh her qism ka nasha tarak kia jaey, duran amal / wazifa khawahishaate-e-hiwani se perhaiz lazmi he, paak saaf ba woozu rehna lazmi he, paak saaf libaas zaibtan kia jae, har qism ki buraee se bachna lazmi he, 5 waqt namaz aur daily quran ki tilawat lazmi he, wazifa / amal shuru kerne se pehly sadqa lazmi he, khushbu (Itriaat) ka istamaal lazmi he. Barda Gosht (Beaf), Machli (fish), Anda (egg) aur bhot ziyadah garam (hot) cheezoon ka istamaal nehi karna.
